Blog

如果大家有留意詩家嘅FB專頁會見到詩家做左一款乳香油霜俾屋企嘅人乾用，人乾用完呢幾晚終於可以一晚瞓天光，而乾燥敏感嘅地方都好返八成，詩家都收到有朋友問有冇得賣架，其實呢隻油霜嘅材料同做法真係非常簡單，如果有興趣嘅朋友仔可以跟住一齊做 成品50g 工具：電動打蛋器、不銹鋼杯/盆（需要可加熱同唔容易打爛嘅容器） 材料：甜杏仁油 25g，乳木果脂 25g 做法： 1）將甜杏仁油同乳木果脂加熱溶化混合好，稍為放涼放入雪櫃大約6-8小時，待油脂凝固後取出，詩家通常雪一晚，第二朝先攞出打 2）油脂取出後用電動打蛋器打發 3）油脂會逐漸變成忌廉狀，可加入數滴精油作調香及維他命E作抗氧化 打到忌廉狀就完成架啦...Read More

詩家一直都收到好多關於濕疹嘅問題，最多嘅係咁多產品都話可以舒緩濕疹，咁到底邊款先啱用？點解人地用完會好左，我用左又無乜效果？ 先講下濕疹，濕疹成因有好多唔同嘅因素，可以係遺傳、皮膚/食物敏感或壓力等等引起。有朋友係市集時都問過我，點解每晚臨瞓前都會特別痕，有可能係因為身體温度升高；對床鋪、枕頭等等嘅皮屑、塵蹣敏感；又或者對沐浴露、護膚品敏感，而且果個時間身體都準備休息，血液循環減慢、激素分泌減少，以上原因都會令濕疹位置更加痕。 好似詩家以前就係先因壓力引發濕疹，再因為用左市面一啲含香精嘅濕疹用品搞到濕疹惡化，果隻產品朋友試過話好用，但我一搽濕疹位置就又痕又痛又紅又腫，試左一輪，最終都係放棄。由...Read More

尋日剛完左第十一期保良市集第一日市集日，無嚟到嘅朋友仔唔緊要，餘下仲有8個市集日，大家有時間記得出嚟行下支持下一班香港嘅手作人～ 市集資訊?? 保良市集第11期 日期：9月30，10月7、28，12月2、8、9，2019年1月6、20 時間：11-6pm 地點：尖沙咀文化中心露天廣場Read More

無論係擺市集定網上都有朋友仔問詩家有冇蚊怕水，點解詩家唔做蚊怕水呢？係咪詩家唔識整蚊怕水所以先得蚊膏？今日詩家就同大家講下蚊膏同蚊怕水嘅好壞處啦～ 一般自家製蚊怕水成分最基本一定有水/純露再配以唔同嘅防蚊精油，而由於精油同水係唔會自然融合，所以就要再加乳化劑/酒精去幫助水同精油融合，酒精對皮膚有刺激性，如果唔加呢兩樣野又得唔得，得～使用前請大大力將支蚊水搖到勻一勻，再噴上身，最後就係蚊水比較快揮發，有效成分半個鐘就揮發晒，驅蚊效果唔持久。 至於蚊膏成分就係植物油、蜜蠟同埋驅蚊精油，用前唔需要搖勻亦比蚊水天然，而且由於蚊膏有植物油，令驅蚊精油揮發速度慢啲，大約可以維持到2個鐘左右，蚊膏配方搭配唔...Read More

收到有朋友仔話聯絡唔到我哋，詩家今日就即刻新增咗網頁入面嘅聯絡方法，仲新開咗WeChat方便大家用唔同途徑去揾到我哋，聯絡方法已經詳列於本站contact us頁面，當然除左WhatsApp、WeChat外，大家都可以去返Facebook 同Instagram inbox我哋，我哋收到訊息後會盡快回覆各位? 另外，由於詩家嘅網站仲係架設初期，有唔完善嘅地方，如果大家對本網站有任何意見都歡迎大家向詩家提出，詩家會根據各位嘅意見去檢視同作出改善，多謝大家支持～Read More

今日同大家講下玉兔望月皂到底係點產生嘅?由畫圖到做好成品足足半年時間，詩家唔擅長畫圖，只能夠將大約圖案畫出黎～稿有啲醜，大家唔好見怪～呢款皂應該係詩家腦海入面都有兩年幾，直到今年一月先將佢畫出黎再努力揾各種模具，揾模具用左最多時間，因為要揾個合心水又啱尺寸又可愛嘅兔仔模具真係有難道，淨係揾兔仔模具就用左2個幾月，到打好左個月亮同兔仔無耐就到詩家仔備戰呈分試，又拖左一排，到近呢幾日終於有時間去打埋外邊皂液將月亮同玉兔放埋入去，放兔仔果陣仲將佢左右調轉左，搞到玉兔爭啲要面壁?好彩發現得早，將玉兔挖返晒出黎再重新入模詩家好耐無試過咁心急想切開條皂，雖然皂仲有少少軟，但見佢脫到模就急住切開佢睇下，成品...Read More