zh +852 6514 6819

Category

詩家分享
如果大家有留意詩家嘅FB專頁會見到詩家做左一款乳香油霜俾屋企嘅人乾用,人乾用完呢幾晚終於可以一晚瞓天光,而乾燥敏感嘅地方都好返八成,詩家都收到有朋友問有冇得賣架,其實呢隻油霜嘅材料同做法真係非常簡單,如果有興趣嘅朋友仔可以跟住一齊做 成品50g 工具:電動打蛋器、不銹鋼杯/盆(需要可加熱同唔容易打爛嘅容器) 材料:甜杏仁油 25g,乳木果脂 25g 做法: 1)將甜杏仁油同乳木果脂加熱溶化混合好,稍為放涼放入雪櫃大約6-8小時,待油脂凝固後取出,詩家通常雪一晚,第二朝先攞出打 2)油脂取出後用電動打蛋器打發 3)油脂會逐漸變成忌廉狀,可加入數滴精油作調香及維他命E作抗氧化 打到忌廉狀就完成架啦~用個鐘意嘅容器裝好就可以啦,個容器記得事先要消毒一下~ 呢隻油霜隨時用都得,但最好嘅係沖完涼抺完身即刻搽左再著衫,因為皮膚表面仲有水份,再搽個油霜上去就可以鎖住水份達致最佳嘅保濕效果,呢個油霜真正全天然,而且因為無水,所以唔會咁易壞,不過都建議大家最好都係少量製造同盡快用完,仲有記得存放陰涼乾爽嘅地方呀!
Read More
詩家一直都收到好多關於濕疹嘅問題,最多嘅係咁多產品都話可以舒緩濕疹,咁到底邊款先啱用?點解人地用完會好左,我用左又無乜效果? 先講下濕疹,濕疹成因有好多唔同嘅因素,可以係遺傳、皮膚/食物敏感或壓力等等引起。有朋友係市集時都問過我,點解每晚臨瞓前都會特別痕,有可能係因為身體温度升高;對床鋪、枕頭等等嘅皮屑、塵蹣敏感;又或者對沐浴露、護膚品敏感,而且果個時間身體都準備休息,血液循環減慢、激素分泌減少,以上原因都會令濕疹位置更加痕。 好似詩家以前就係先因壓力引發濕疹,再因為用左市面一啲含香精嘅濕疹用品搞到濕疹惡化,果隻產品朋友試過話好用,但我一搽濕疹位置就又痕又痛又紅又腫,試左一輪,最終都係放棄。由於每個人嘅濕疹成因、體質、致敏源都唔同,就算一款產品同一個人用開有效,用用下都可能突然無效,所以詩家都唔可以話到俾你知邊一款產品對你嘅濕疹有效果,只可以話俾你知大部分客人朋友用完有咩效果,例如苦楝舒緩皂大部分朋友用過都話無咁痕,唔使成晚搲,可以瞓返覺好嘅,用左2-3日濕疹都好左,但詩家都收到一個壓力性濕疹嘅朋友話無乜效果,所以如果想知道邊一款產品啱自己用,可以揾詩家了解下架~ 最後就係天然產品唔係神藥,唔會一用就即刻好返曬,亦要留意返如果用完任何產品皮膚情況有異就應該立即停用。
Read More
無論係擺市集定網上都有朋友仔問詩家有冇蚊怕水,點解詩家唔做蚊怕水呢?係咪詩家唔識整蚊怕水所以先得蚊膏?今日詩家就同大家講下蚊膏同蚊怕水嘅好壞處啦~ 一般自家製蚊怕水成分最基本一定有水/純露再配以唔同嘅防蚊精油,而由於精油同水係唔會自然融合,所以就要再加乳化劑/酒精去幫助水同精油融合,酒精對皮膚有刺激性,如果唔加呢兩樣野又得唔得,得~使用前請大大力將支蚊水搖到勻一勻,再噴上身,最後就係蚊水比較快揮發,有效成分半個鐘就揮發晒,驅蚊效果唔持久。 至於蚊膏成分就係植物油、蜜蠟同埋驅蚊精油,用前唔需要搖勻亦比蚊水天然,而且由於蚊膏有植物油,令驅蚊精油揮發速度慢啲,大約可以維持到2個鐘左右,蚊膏配方搭配唔同嘅植物油同精油仲可以止埋痕,一物二用~不過蚊膏係用植物油同蜜蠟做成,搽上皮膚上面係會有少少油膩感~ 詩家一向都希望用最天然、簡單嘅配方去做產品俾大家,權衡之下覺得蚊膏比蚊水好處多,所以一直都只做驅蚊膏,當然~大家都可以睇下詩家今日嘅分享,再揀選適合自己嘅驅蚊產品?如果有咩問題大家都可以聯絡詩家架? 香茅防蚊膏 $30/支 苦楝防蚊止痕膏 $38/支
Read More